Bakı. Cavid Zeynallı – APA. Noyabrın 7-də “Bakı Elm Festivalı – 2014” ilə əlaqədar media nümayəndələri üçün texnoparka ekskursiya təşkil olunacaq.
Azərbaycan Milli Elmlər Akademiyasının (AMEA) ictimaiyyətlə əlaqələr şöbəsindən APA-ya verilən məlumata görə, məqsəd press-tur çərçivəsində ictimaiyyətə festival haqqında məlumat vermək və jurnalistləri festivalın proqramında əksini tapan məsələlərlə tanış etməkdir.
Qeyd edək ki, Azərbaycanda ilk dəfə keçiriləcək festival AMEA-nın təşəbbüsü, Bakı şəhər İcra Hakimiyyəti, Təhsil Nazirliyi, Rabitə və Yüksək Texnologiyalar Nazirliyinin təşkilati dəstəyi ilə noyabrın 10-11-də olacaq.