Bakı. Könül Cəfərli – APA. “Altılıq” ölkələri Tehrana İranın nüvə proqramıyla bağlı müzakirələrinin aparılması üçün yeni təklif irəli sürüb. APA-nın “Fars” xəbər agentliyinə istinadən məlumatına görə, “altılıq” ölkələrinin bu qərarını İrana avropalı rəsmilər bildirib. Onlar növbəti görüşün fevralın 25-də Qazaxıstanda keçirilməsini təklif edib. Hələlik İran təklifə cavab verməyib.
Qeyd edək ki, daha öncə İran qarşı tərəfə nüvə müzakirələrin Misirdə keçirilməsini təklif etsə də, “altılıq” ölkələri razılaşmayıb.