Bakı. Cavid Zeynalov – APA. Xalq artisti Alim Qasımov və qızı, əməkdar artist Fərqanə Qasımova yeni qastrol səfərinə hazırlaşırlar. Qastrol səfəri haqqında APA-ya məlumat verən Alim Qasımov bildirib ki, avqustun 2-də Tunisə səfər edəcəklər: “Fərqanə ilə bir yerdə konsert proqramı ilə çıxış edəcəyik. Repertuar xalq mahnıları, muğamlardan ibarət olacaq. Avqustun 5-də vətənə qayıtmağı düşünürük”.
Alim Qasımov bildirib ki, ilin sonunda Türkiyə və Fransaya da səfərləri planlaşdırılır.