Bakı. Pərviz Nuriyev - APA-Economics. Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin dəyəri 0,38 dollar ucuzlaşaraq 1 barelə 106,91 dollar təşkil edib. Bu ucuzlaşma İraqdan neftin nəqlinin kəsilməsi təhlükəsi fonunda baş verib.
“APA-Economics”in məlumatına görə, ICE London qitələrarası birjasında Brent markalı neftin 1 barelinin dəyəri isə 0,04 dollar bahalaşaraq 112,46 dollar olub.