Bakı - APA. Misirdə yeni ilin ilk günü qarşıdurmalarla yadda qalıb.
APA-nın “Anadolu” agentliyinə istinadən verdiyi məlumata görə, İsgəndəriyyə şəhərində sabiq prezident Məhəmməd Mursinin tərəfdarları aksiya keçiriblər.
Təhlükəsizlik qüvvələri ilə toqquşmalar nəticəsində iki tələbə həyatını itirib, 3-ü polis əməkdaşı olmaqla 6 nəfər yaralanıb. İsgəndəriyyə Polis İdarəsinin rəisi Nazir əl-Abd 14 aksiya iştirakçısının saxlanıldığını açıqlayıb.