Bakı. Etibar Məmmədov - APA. Klassik Xalq Cəbhəsi Partiyasının (KXCP) İdarə Heyətinin növbəti toplantısı keçirilib.
Partiyadan APA-ya verilən məlumata görə, iclasda qərarların icra vəziyyəti qiymətləndirilib, ictimai siyasi vəziyyət və qarşıda duran vəzifələr müzakirə edilib.
Bələdiyyə seçkilərinə hazırlıqla rayon şöbələrində və zona əlaqələndirmə komitələrində keçirilən yığıncaqlar və görüşlər müzakirə edilərək, bəzi rayonlarda təxirə salınmış yığıncaqlarının yenidən keçirilməsi məqsədəuyğun hesab edilib.
Yığıncaq 24 iyunda keçiriləcək KXCP Ali Məclisinin gündəlik layihəsini müəyyənləşdirib. KXCP sədrinin təşkilat məsələləri üzrə müavini Xəzər Teyyubluya Ali Məclisin sessiyasına kimi partiyanın bələdiyyə seçkilərinə hazırlığının vəziyyəti haqqında arayış hazırlanması tapşırılıb. Ali Məclisin sessiyasını KXCP rayon şöbə sədrlərinin iştirakı ilə keçirilməsi qərarlaşdırılıb.
İclasda Azərbaycan Xalq Cəbhəsinin yaranmasının 25 illiyi ilə bağlı keçiriləcək tədbirlərə hazırlıq işlərinin vəziyyəti müzakirə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
