Bakı. Nicat Mustafayev – APA-Economics. Bu ilin yanvar-may aylarında Azərbaycanda pərakəndə ticarət dövriyyəsinin həcmi 7,5 mlrd. manat və ya 2012-ci ilin beş ayı ilə müqayisədə 8,8% çox olub.
Dövlət Statistika Komitəsindən «APA-Economics»ə verilən məlumata görə, pərakəndə ticarət bazarında satılmış istehlak mallarının 53,2%-i ərzaq, 46,8%-i qeyri-ərzaq mallarının hesabına formalaşıb, qeyri-ərzaq məhsullarının xüsusi çəkisi isə 4,4% artıb.
Yanvar-may aylarında elektron pərakəndə ticarət dövriyyəsinin həcmi 2012-ci ilin müvafiq dövrünə nisbətən 1,8 dəfə artaraq 901,1 min manat təşkil edib.
Əhali on-line rejimində sifariş verdikləri istehlak mallarının 87,3%-ni hüquqi, 12,7%-ni fiziki şəxslərin ticarət şəbəkələrindən alıb. Elektron ticarət dövriyyəsinin 843,2 min manatını (93,6%-ni) qeyri-ərzaq malları təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
