APA-nın Apasport.az saytına istinadən verdiyi xəbərə görə, G qrupunda 2 almaniyalı baş məşqçinin çalışdığı komanda üz-üzə gəlib. Millimizin çalışdırıcısı Berti Foqtsun müşaviri olduğu Yürgün Klinsmannın işlədiyi ABŞ yığması gözəl oyununu Yöahim Lövün Almaniyası üzərində də göstərməyə çalışıb. Qələbə qazanan tərəf 1/8 finala qrupun qalibi kimi yollanıb. Bu komanda Almaniya olub, Almanlar Müllerin 55-ci dəqiqədə vurduğu yeganə qol sayəsində qrupun qalibi olublar.
Portuqaliya ilə Qana isə nəzəri şansları üçün mübarizə aparıblar. Daha çox top fərqi ilə qalib gələn tərəf 1/8 finala çıxa bilərdi. Portuqaliya bu oyunda qalib gəlib. Amma 2:1 hesablı qələbə Ronaldonun komandasına qrupdan çıxmağa kömək etməyib. Portuqaliyalılar top fərqində ABŞ-a uduzduqlarından, növbəti mərhələyə Şimali Amerika təmsilçisi çıxıb.
G qrupu
ABŞ – Almaniya - 0:1
Qol: Müller, 55
Portuqaliya - Qana - 2:1
Qollar: Boye, 31(avtoqol); Ronaldo, 80 - Qyan, 57
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
