Göyçay. Elvin Yaqubov-APA. Göyçay rayonunda külli miqdarda marixuana aşkar edilib.
Rayon Polis Şöbəsindən APA-ya verilən məlumata görə, polis əməkdaşları Göyçay şəhərinin Ziya Bünyadov küçəsi, 16 ünvanında yerləşən evin həyətinə baxış keçiriblər.
Reyd zamanı ev sahibi, 1960-cı il təvəllüdlü Nəbiyev İsmayıl Nəsrəddin oğlunun evinin arxa tərəfindən xüsusi üsulla əkilib becərilmiş 290 ədəd çətənə kolu və mənzildən ümumi çəkisi 5 kiloqram 670 qram olan qurudulmuş marixuana aşkar edilərək götürülüb.
Marixuana satışı ilə məşğul olan İ. Nəbiyev tutularaq istintaqa təhvil verilib.
Faktla bağlı araşdıma aparılır.