Bakı. Hafiz Heydərov-APA. Sumqayıtda “SAZZ” müştəri xidmətlərindən oğurluq edilib. Sumqayıt şəhər Polis İdarəsindən APA-ya verilən məlumata görə, hadisə dünən baş verib.
“SAZZ” müştəri xidmətlərinin əməkdaşı polisə zəng edərək onlara məxsus ofisdən açar seçmə yolu ilə 3 min manat pul, qeydiyyat kartları və kompüterlərin oğurlanması barədə məlumat verib.
Hadisə barədə polisə məlumat daxil olan kimi araşdırmalara başlanıb. Araşdırmalar zamanı müəyyən edilib ki, oğurluğu “SAZZ” müştəri xidmətlərinin əməkdaşı, 1981-ci il təvəllüdlü Elçin Xanhəsən oğlu Ağayev özü edib. E. Ağayev polis tərəfindən saxlanılıb.
İdarədən həmçinin bildirilib ki, müştəri xidmətlərindən oğurluq edilməsi barədə polisə məlumat verən də məhz E. Ağayev olub.
Faktla bağlı araşdırmalar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
