Bakı. Aqşin Rafiqoğlu – APA-Economics. Azərbaycan Beynəlxalq Əməliyyat Şirkətinin (ABƏŞ) üzvü və «Əsrin müqaviləsi» sazişi çərçivəsində Xəzər dənizinin Azərbaycan sektorunda yerləşən «Azəri, Çıraq, Günəşli» yataqlarının işlənməsində 4,3% iştirak payına sahib olan «Itochu» (Yaponiya) şirkəti regionda fəaliyyətini genişləndirir.
«APA-Economics»in «ITAR-TASS»a istinadən verdiyi məlumata görə, «Itochu» Rusiya təbii qazının Qara dənizin dibi ilə Türkiyəyə, oradan isə Avropaya nəql edəcək «Cənub axını» layihəsinə qoşulmaq niyyətindədir. Artıq bununla bağlı şirkət rəhbərliyi Rusiyanın «Qazprom» şirkəti ilə əməkdaşlığa başlayıb və «Itochu Corporation»ın rəhbəri Eydzo Kobayasi ilə «Qazprom» rəhbəri Aleksandr Miller arasında görüş keçirilib.
Belə ki, layihəsi çərçivəsində «Itochu» şirkəti inşaat işlərini tikintini boruları ilə təchiz edəcək.
Bundan başqa, görüşdə Yaponiya şirkətinin Rusiyanın Başqırdıstan Muxtar Respublikasında qaz-kimya istehsalı müəssisəsinin yaradılmasına cəlb edilməsi məsələləri də müzakirə olunub.
Qeyd edək ki, «Itochu» Azərbaycanda fəaliyyətini özünün «Itochu Oil Exploration (Azerbaijan) Inc.» törəmə şirkəti tərəfindən həyata keçirir və Azərbaycan bazarına çıxan ilk Yaponiya neft şirkəti olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
