Bakı. Aynur Əliyeva - APA-Economics. Azərbaycanda yanvar-avqust aylarında nəqliyyat sektorunda daşımaların həcminə görə ən böyük paya malik olan avtomobil nəqliyyatı ilə 83,3 mln. ton yük və 977,0 mln. sərnişin daşınıb.
Dövlət Statistika Komitəsindən “APA-Economics”ə verilən məlumata görə, əvvəlki ilin eyni dövrü ilə müqayisədə yükdaşımada 6,5% və sərnişin daşınmada isə 8,2% artım qeydə alınıb.
Komitənin məlumatında qeyd olunur ki, sərnişinlərin 96,3%-i avtobus, 3,7%-i isə minik taksilərinin xidmətlərindən istifadə ediblər. Yük dövriyyəsi 6,6%, sərnişin dövriyyəsi isə 9,2% artıb.
Metro nəqliyyatının xidmətlərindən istifadə etmiş sərnişinlərin sayı 133,8 mln. nəfər olmaqla 5,6% artıb. Hava nəqliyyatı ilə 1119,8 min və ya 5,1% çox sərnişin daşınıb. Daşınmanın 99,4%-i dövlət, 0,6%-i isə özəl müəssisələrə məxsus hava gəmiləri ilə həyata keçirilib. Bu nəqliyyat növü ilə yükdaşıma 1,9 dəfə artaraq 73,8 min tona çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
