Bakı. Kəmalə Quliyeva – APA. BMT-nin Sivilizasiyalar Alyansı üzrə ali nümayəndəsi Nasir Əbdüləziz əl-Naser Azərbaycana səfər edəcək. Mədəniyyət və Turizm Nazirliyinin mətbuat xidmətindən APA-ya verilən xəbərə görə, qonaq mayın 29-dan iyunun 1-dək Bakıda prezident İlham Əliyevin himayəsi ilə "Çeşidli dünyada sülh şəraitində birgə yaşama" şüarı altında keçiriləcək II Ümumdünya Mədəniyyətlərarası Dialoq Forumunda iştirak edəcək.
Nasir Əbdüləziz əl-Naser 2011-2012-ci ilədək BMT Baş Assambleyasının prezidenti olub.
Səfər çərçivəsində Azərbaycanla BMT-nin Sivilizasiyalar Alyansı arasında Əməkdaşlıq Memorandumunun imzalanması nəzərdə tutulur.
BMT-nin Sivilizasiyalar Alyansı 2011-ci ildən Azərbaycanın təşəbbüsü ilə keçirilən Ümumdünya Mədəniyyətlərarası Dialoq Forumunun tərəfdaşıdır.