Zaqatala. Vüqar Heydərov - APA. Zaqatalada yanğın hadisəsi baş verib.
Fövqəladə Hallar Nazirliyinin (FHN) Zaqatala rayon Yanğından Mühafizə Hissəsindən (YMH) APA-nın Şəki-Zaqatala bürosuna verilən məlumata görə, yanğın bu gün səhər saat 06:46 radələrində Zaqatala şəhəri Abdulla Eminov küçəsi 61-də, Nəsirova Vəzifə Həzrətəli qızına məxsus, ümumi sahəsi 55 kv. m olan evdə qeydə alınıb.
Hadisə yerinə dərhal FNH-in Zaqatala rayon YMH-nin texnikası və canlı qüvvəsi cəlb edilib. Yanğın nəticəsində evin mətbəxi, hamamı və çardaq hissəsindən 15 kv. m sahə yanaraq yararsız hala düşüb. Yanğınsöndürənlərin səyi nəticəsində evin qalan hissəsi yanğından mühafizə edilib. Yanğın nəticəsində ev sahiblərindən xəsarət alan olmayıb.
Faktla bağlı Zaqatala rayon YMH-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
