APA-nın məlumatına görə, hadisə rayonun Mirəsədulla Mirqasımov küçəsi ilə Azadlıq prospektinin kəsişməsində qeydə alınıb. Ziya Xəlilov idarə etdiyi minik avtomobili Tahir Mehdiyevin idarə etdiyi maşınla toqquşub. İdarəetmədən çıxan avtomobillərdən biri yol kənarındakı təhlükəsizlik kamerasının quraşdırıldığı dirəyə çırpılıb. Qəza zamanı avtomobillərdən birinin qadın sərnişini xəsarət alıb. Zərərçəkən əraziyə gələn təcili tibbi yardım maşını ilə 1 saylı şəhər Kliniki Xəstəxanasına aparılıb. Həmin avtomobilin sürücüsü Ziya Xəlilov isə ayaq nahiyəsindən yüngül xəsarət alıb. Hadisə yerinə dərhal yol polisi əməkdaşları gəliblər. İlkin ehtimala görə, qəzaya səbəb avtomobillərdən birinin işıqforun qırmızı işığında keçməsi göstərilir.
Qəza nəticəsində hər iki avtomobil yararsız vəziyyətə düşüb və evakuator vasitəsi ilə hadisə yerindən uzaqlaşdırılıb.
Faktla bağlı Nəsimi Rayon Polis İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
