Bakı. Anaxanım Hidayətova – APA. Misirin Luksor şəhərində, Nil çayının qərb sahilində hava şarı qəzaya uğrayıb.
APA-nın BBC-yə istinadən xəbərinə görə, qəza nəticəsində ən azı 19 nəfər həlak olub.
Gəzinti xarakterli uçuşda 20 əcnəbi turist, o cümlədən fransız və britaniyalılar iştirak edib. Qahirənin 500 km-liyində yerləşən Luksor şəhərindəki məbəd üzərində gəzinti uçuşları turistlər arasında populyar sayılır. Ümumiyyətlə, Misirdə hava şarlarının qəzaya uğraması tez-tez baş verir.