Bakı - APA-Economics. Qiymətli Kağızlar üzrə Dövlət Komitəsinin 12 fevral 2013-cü il tarixli, 2 nömrəli Qərarı ilə təsdiq edilmiş “Qiymətli kağızlar bazarının peşəkar iştirakçılarının hesabatlarına dair tələblər, habelə onların təqdim edilməsi və açıqlanması Qaydaları”nın tələblərini mütəmadi surətdə pozduğuna görə “İnterneyşnl Tranzakşn Sistem” MMC-yə broker və diler fəaliyyəti üçün verilmiş lisenziyalar QKDK tərəfindən dayandırılıb.
Birjadan "APA-Economics"ə verilən məlumata görə, sözügedən lisenziyaların dayandırılması ilə əlaqədar "İnterneyşnl Tranzakşn Sistem" MMC-nin birja üzvlüyü Bakı Fond Birjası tərəfindən dayandırılıb.