Bakı-APA. Liviyada ABŞ-ın Benqazidəki səfirliyinə hücum törətməkdə və ABŞ səfiri Kris Stivenin qətlində şübhəli bilinən şəxs saxlanıb. APA-nın “RİA Novosti”yə istinadən verdiyi xəbərə görə, bu barədə CNN telekanalına istintaqa yaxın mənbələr məlumat verib.
Məlumata görə, şübhəli şəxs Fərəc əl Şibli artiq 2 gündür saxlanılıb. O Pakistandan Liviyaya qayıtdıqda dərhal həbs olunub. Kanalın məlumatına görə, Fərəc əl Şibli 1990-cı illərin ortalarında Liviyanın lideri Müəmmər Qəddafini devirməyə çalışan üsyançı qruplaşmanın üzvü olub.
Hələlik qeyd olunan məlumata rəsmi şərh verilməyib.
Xatırladaq ki, 2012-ci ilin sentyabrında ABŞ-ın Benqazidəki konsulluğunun atəşə tutulması nəticəsində ABŞ-ın Liviyadakı səfiri Kris Stivens, səfirliyin başqa bir əməkdaşı və 2 keçmiş xüsusi təyinatlı həlak olub. İnsidenti ABŞ hökuməti araşdırır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
