Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində qəsdən adam öldürməkdə təqsirləndirilən Knyaz Knyazlı və soyuq silah saxlamaqda təqsirli bilinən Yusif Məhərrəmovun cinayət işi üzrə məhkəmə prosesi davam etdirilib.
APA-nın məlumatına görə, prosesdə dövlət ittihamçısı çıxış edərək K. Knyazlının 10 il, Y. Məhərrəmovun isə 1 il müddətinə azadlıqdan məhrum edilməsini istəyib.
Proses sabah davam etdiriləcək.
Qeyd edək ki, hadisə ötən il avqustun 30-da metronun “Xətai” stansiyası yaxınlığında baş verib. Hadisə zamanı Ceyhun Maqsudova bıçaqla xəsarət yetirilib.
Faktla Cinayət Məcəlləsinin 120.1-ci maddəsi ilə iş başlanıb. C. Maqsudov isə bıçaqlandıqdan 3 gün sonra xəstəxanada dünyasını dəyişib. Polis əməkdaşlarının əməliyyat-axtarış tədbirləri nəticəsində hadisəni törətməkdə təqsirli bilinən və axtarışda olan K. Knyazlı və Y. Məhərrəmov saxlanılıb.