Bakı. Şamil Əlibəyli-APA. Rusiyanın Tomsk şəhərində keçirilən əməliyyat-axtarış tədbirləri nəticəsində şəhərin ali məktəblərin birində oxuyan 24 yaşlı azərbaycanlı tələbə həbs olunub. APA-nın “vesti70” saytına istinadən verdiyi məlumata görə, tələbənin üzərinə keçirilən baxış zamanı birində 150 qram heroin, digərində isə 300 qram xaşxaş olan iki bükülü aşkarlanıb. Saxlanan azərbaycanlı istintaq təcridxanasında saxlanılır, o istintaqa ifadə verməkdən imtina edib. Faktla bağlı “Külli miqdarda narkotik vasitələrin qanunsuz saxlanılması” maddəsi ilə cinayət işi başlanıb, istintaq davam edir.