Bakı. Musa Əhmədov - APA-Economics. Azərbaycan-Qazaxıstan arasında ticarət dövriyyəsinin 1 mlrd. dollara çatdırılması üçün zəruri tədbirlərin görülməsi ilə bağlı razılıq əldə olunub.
“APA-Economics” xəbər verir ki, bunu Qazaxıstanın “KazTaq” İnformasiya agentliyinə müsahibəsində Azərbaycanın Qazaxıstandakı səfiri Zakir Həşimov deyib.
“2013-cü ildə Azərbaycan və Qazaxıstan arasında ticarət dövriyyəsi 371 mln. dollar təşkil edib. Yaxın zamanlarda bu göstəricinin 500 mln. dollar təşkil edəcəyi gözlənilir. Bununla yanaşı, ticarət dövriyyəsinin 1 mlrd. dollara çatdırılması üçün zəruri tədbirlərin görülməsi ilə bağlı razılıq əldə olunub”, - deyə səfir bildirib.
Xatırladaq ki, Qazaxıstan 2002-2013-cü illər ərzində Azərbaycanda əsas kapitala 5,2 mln. dollar sərmayə yatırıb.
Bununla yanaşı, son 2 ildə Azərbaycan tərəfindən Qazaxıstan iqtisadiyyatına birbaşa 132 mln. dollar həcmində investisiya yatırılıb. Hazırda Azərbaycanda Qazaxıstanın iştirakı ilə 52 şirkət fəaliyyət göstərir, Qazaxıstanda isə Azərbaycan kapitallı 723 müəssisə qeydiyyatdan keçib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
