Bakı – APA. Rusiyanın “Uraloçka” voleybol klubu Bakıda hazırlığını davam etdirir. Apasport.az saytının məlumatına görə, Nikolay Karpolun çalışdırdığı komanda təlim-məşq toplanışı çərçivəsində yoxlama matçlarında da gücünü sınayır.
Belə ki, ilk qarşılaşmada “Bakı-Azəryol”a 4:1 hesabı ilə qalib gələn qonaq komanda ikinci görüşdə “Azərreyl”lə üz-üzə gəlib. Nəticə bu dəfə də “Uraloçka”nın xeyrinə olub – 3:2.
Ruslar növbəti matçında “İqtisadçı” ilə oynayacaqlar. Görüş Voleybol Mərkəzində keçiriləcək.