Bakı. Anaxanım Hidayətova – APA. "Səfir Anjey Kaspşik helikopter vurulan yerdə olmayıb". Bunu APA-ya açıqlamasında ATƏT-in kommunikasiya və media ilə əlaqələr şöbəsinin əməkdaşı Mersiya Çauşeviç-Podziç (Mersiha Causevic Podzic) qurumun fəaliyyətdə olan sədrinin şəxsi nümayəndəsi Anjey Kaspşikin Ermənistan ordusuna məxsus hərbi helikopterin düşdüyü yerə baş çəkməsi barədə məlumatı şərh edərkən deyib.
ATƏT nümayəndəsi belə bir məlumat yaymadıqlarını bildirib: "Biz demişik ki, səfir Kaspşik regionun helikopter vurulan ərazisində olub. Heç vaxt deməmişik ki, o, məhz helikopterin düşdüyü yerdə olub. Biz bütün məlumatlarımızı həmişə öz saytımızda yerləşdiririk”.
Xatırladaq ki, "RİA Novosti" agentliyi M. Çauşeviç-Podziçə istinadən A. Kaspşikin helikopter vurulan yerə baş çəkməsi ilə bağlı xəbər yayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
