Bakı – APA. Polşada prezident seçkilərinin ikinci turu ilə əlaqədar “sükut günü” başlayıb, namizədlərin seçicilərin qərarına təsir edəcək hər hansı təbliğat fəaliyyətinə qadağa qoyulub.
APA-nın TASS agentliyinə istinadən verdiyi məlumata görə, seçkilərin ikinci turuna namizədlərdən ölkənin hazırki başçısı Bronislav Komorovski və “Qanun və ədalət” partiyasının lideri Ancey Duda keçib.
Birinci turda 1%-lıq üstünlüklə B.Komorovskini arxada qoyan A.Duda seçkilərin favoriti sayılır.
Qeyd edək ki, seçkilərin birinci turunda 11 namizəd prezidentlik kürsüsü uğrunda mübarizə aparıb.