Bakı-APA. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi “ASAN xidmət” mərkəzi şüar müsabiqəsini elan edib.
APA-nın məlumatına görə, Agentliyin məlumatında bildirilir ki, dövlət orqanlarında hüquqi xidmətlərin göstərilməsində şəffaflığın təmin edilməsi, dövlət qulluqçusu-vətəndaş münasibətlərində yeni düşüncə tərzinin – “dövlət qulluqçusunun vəzifəsi vətəndaşın hüququnu təmin etməkdir” yanaşmasının formalaşdırılması istiqamətində fəaliyyət göstərən “ASAN xidmət” Azərbaycanda ilk dəfə olaraq şüar seçimini ölkə vətəndaşlarına həvalə edir.
Fevralın 15-dək davam edəcək müsabiqədə vətəndaşlar öz təkliflərini “ASAN xidmət” mərkəzinin “Facebook” səhifəsinə məktub, yaxud şərh (http://www.facebook.com/www.asan.gov.az), həmçinin [email protected] rəsmi ünvanına yazmaqla bildirə bilər.
Qeyd edək ki, şüar Azərbaycan dilində, üç sözdən artıq olmamalıdır. Ən maraqlı, kreativ və “ASAN xidmət”in fəaliyyətinə uyğun şüarla çıxış edən müsabiqə qalibi mükafatlandırılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
