Qax. Vüqar Heydərov - APA. Qaxda fərdi yaşayış evində yanğın baş verib.
Fövqəladə Hallar Nazirliyinin (FHN) Qax rayon Dövlət Yanğından Mühafizə Xidmətindən APA-nın Şəki-Zaqatala bürosuna verilən məlumata görə, yanğın hadisəsi bu gün günorta saatlarında Qax şəhəri Şota Rustaveli küçəsində, 79 yaşlı Qax şəhər sakini Vaxtanq Alaqulaşviliyə məxsus, ümumi sahəsi 72 kv. m olan fərdi yaşayış evində baş verib.
Hadisə yerinə dərhal FHN-in Qax rayon DYMX-nin texnikası və canlı qüvvəsi cəlb edilib. Yanğın nəticəsində 3 otaq, mətbəx və şüşəbənddən ibarət birmərtəbəli evin 1 otağının, mətbəxinin və şüşəbəndinin yanar konstruksiyaları içindəki əşyalarla birlikdə 42 kv. m sahədə yanıbr. Evin qalan hissəsi yanğınsöndürənlər tərəfindən qorunub. Yanğın nəticəsində ev sahiblərindən xəsarət olan olmayıb.
Faktla bağlı FHN-in Qax rayon DYMX-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
