Bakı. Şamil Əlibəyli - APA. Naxçıvan Muxtar Respublikasının Bakıdakı daimi nümayəndəliyinə yeni rəhbər əvəzi təyin olunub.
Naxçıvan MR-in Bakıdakı daimi nümayəndəliyindən APA-ya bildiriblər ki, bu vəzifəyə təyin olunan Bəxtiyar Əsgərov fevralın 28-dən rəsmən fəaliyyətə başlayıb.
Nümayəndəlikdən onu da bildiriblər ki, 1981-ci ildə Culfa rayonun Göydərə kəndində anadan olan B.Əsgərov əvvəllər YAP Gənclər Təşkilatının sədr müavini, BDU-nun filologiya fakültəsinin müəllimi kimi çalışıb.
Qeyd edək ki, Naxçıvan MR-in Bakıdakı daimi nümayəndəliyinə rəhbər müavini Həsən Hacıyev başçılıq edirdi. Təqaüd yaşına çatması ilə əlaqədar o, tutduğu vəzifədən azad edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
