Şəhriyar Əlizadə - APA. Bakıda ölümlə nəticələnən yol-nəqliyyat hadisəsi baş verib.
APA-nın DİN-in saytına istinadən verdiyi məlumata görə, mayın 28-də saat 10 radələrində Sabunçu rayonunun Maştağa qəsəbəsində qəsəbə sakini Orxan Muxtarov idarə etdiyi “VAZ-2107” markalı avtomobillə yolu keçən həmyerlisi Südabə Rəhimovanı vurub. Xəstəxanaya yerləşdirilmiş S.Rəhimova orada ölüb.
Sabunçu rayon Polis İdarəsi tərəfindən araşdırma aparılır.