Bakı. Aqşin Rafiqoğlu - APA-Economics. Bu ilin yanvar-may ayları ərzində Azərbaycanda ictimai iaşə dövriyyəsinin həcmi 2014-cü ilin eyni dövrü ilə müqayisədə 13,9% artaraq 372,4 mln. manat olub.
"APA-Economics"in Dövlət Statistika Komitəsinə istinadən verdiyi məlumata görə, özəl sektorda ictimai iaşə dövriyyəsinin 41,7%-i hüquqi şəxs statuslu müəssisələrin, 58,3%-i isə bu sahədə sahibkarlıq fəaliyyəti ilə məşğul olan fərdi sahibkarların payına düşür.
Bu dövr ərzində hüquqi şəxs statuslu özəl müəssisələrdə dövriyyənin həcmi 2014-cü ilin müvafiq dövrü ilə müqayisədə 2,6% artaraq 152,7 mln. manata çatıb.
Hesabat dövründə hər bir ölkə sakini orta hesabla 39,2 manatlıq iaşə xidmətlərindən istifadə edib ki, bu da ötən ilin müvafiq dövrünün göstəricisindən 5,1 manat çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
