Bu gün Bakı Ağır Cinayətlər Məhkəməsində soyğunçuluqda təqsirləndirilən Namiq Bəkirovun cinayət işi üzrə məhkəmə prosesi başa çatıb.
APA-nın xəbərinə görə, hakim Azad Məcidovun sədrliyi ilə keçirilən prosesdə hökm oxunub.
Hökmə əsasən, N. Bəkirov 5 il müddətinə azadlıqdan məhrum edilib.
Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində ötən il sentyabrın 14-də Bakı şəhər sakini Nina Abdullayevaya məxsus qızıl boyunbağını soyğunçuluq yolu ilə almaqda şübhəli bilinən Yevlax rayon sakini Namiq Bəkirov tutulub. Aparılan araşdırma zamanı onun əvvəllər məhkum olunduğu müəyyən edilib.