Hadisə

Ana səhifə

Hadisə

Azərbaycan paytaxtında 16 yaşlı qızın özünü müəlliminin yaşadığı binadan yerə ataraq intihar etdiyi məlum olub

24 dekabr 2008 13:22 (UTC +04:00)

Bakı. Hafiz Heydərov - APA. Azərbaycan paytaxtında 16 yaşlı qızın özünü müəlliminin yaşadığı binanın 10-cu mərtəbəsindən yerə ataraq intihar etdiyi məlum olub. Binəqədi Rayon Prokurorluğundan APA-ya verilən məlumata görə, 1992-ci il təvəllüdlü İranə İbrahim qızı Həşimova ingilis dilini öyrənmək məqsədi ilə müəllim yanına gedirmiş. Onun hazırlıq üçün yanına getdiyi müəllim Binəqədi rayonu, A. Məmmədov küçəsindəki 17 mərtəbəli binanın 15-ci mərtəbəsində yaşayır. Ötən gün də hazırlıq məqsədi ilə sözügedən ünvana gedən İ. Həşimova lift işləmədiyi üçün pilləkənlə 10-cu mərtəbəyə qədər qalxıb. Onun özünü 10-cu mərtəbən ataraq intihar etdiyi bildirilir. Lakin İ. Həşimovanın özünü öldürməsinin səbəbləri barədə hələlik heç bir məlumat yoxdur.

Faktla bağlı Binəqədi Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb, araşdırma aparılır.

Qeyd edək ki, intihar hadisəsi ötən gün, saat 12:30 radələrində, Binəqədi rayonu ərazisində, “Tərlan” şadlıq sarayının yaxınlığında yerləşən 17 mərtəbəli yaşayış binasında baş verib. Özünü 10-cu mərtəbədən atan 16 yaşlı İranə hadisə yerindəcə keçinib.

Azərbaycan_intihar