Hadisə

Ana səhifə

Hadisə

Tapança ilə bir nəfəri qətlə yetirən, bir nəfəri isə ağır yaralayan şəxs hadisə yerindən qaçıb

11 yanvar 2007 13:14 (UTC +04:00)

Bakı Şəhər Baş Polis İdarəsindən APA-ya verilən məlumata görə, Ş.Nəbiyev onları aralaşdırmaq istəyən İntiqam Salayevə də bir güllə ataraq, ona sağ ayağından ağır xəsarəti yetirib. Hadisədən sonra o, “VAZ-2107” markalı 10 OE 609 dövlət nömrə nişanlı şəxsi avtomobili ilə hadisə yerindən qaçıb. İ.Salayev ağır vəziyyətdə Travmatologiya Xəstəxanasına aparılıb. Qaradağ rayon prokuroru Tariyel Qurbanov APA-ya bildirib ki, Ş.Nəbiyevlə Ə.Quliyev yaxın dost olublar. Hadisədən qabaq kafedə yeyib-içən dostlar arasında mübahisə düşüb. Prokurorun sözlərinə görə, Ş.Nəbiyev hələlik saxlanılmayıb. Onun tutulması üçün əməliyyat-axtarış tədbirləri aparılır. Faktla bağlı Qaradağ rayon Prokurorluğunda Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə), 29,120.2.7-ci (iki və ya daha çox şəxsi öldürməyə cəhd) və 228-ci (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə cinayət işi başlanılıb. /APA/