Hadisə

Ana səhifə

Hadisə

Azərbaycanın Dəvəçi rayonunda itkin düşmüş qızın cəsədinin axtarışları nəticəsiz başa çatıb -YENİLƏNİB

Azərbaycanın Dəvəçi rayonunda itkin düşmüş qızın cəsədinin axtarışları nəticəsiz başa çatıb <font color=red>-YENİLƏNİB</font>

15 avqust 2007 16:33 (UTC +04:00)

Bu gölə Samur-Abşeron kanalının suyu tökülür. Burdan isə su Ceyranbatan gölünə gedir. Lakin göldən də R. Məcidovanın cəsədi tapılmayıb. Axtarışların sabah davam edəcəyi də gözlənilir.
Siyəzən rayon Polis Şöbəsinin rəsi müavini Xanlar Vahabzadə APA-nın şimal bürosuna bildirib ki, meyitinin Siyəzən gölündə olması əsas ehtimallardandır. Rəis müavini artıq Siyəzən rayon Polis Şöbəsinin də axtarışlara qoşulduğunu deyib. Rəsi müavini meyitin Ceyranbatan gölünə düşməsinin çox az ehtimal olunduğunu da qeyd edib.
Axtarş prosesinə həmçinin Daxili Qoşunların əsgərləri, yerli əhali, polis qüvvələrı qoşulub. Əraziyə xüsusi təlim itləri, qayıqlar və digər texnika cəlb olunub.
Qeyd edək ki, bu gün Azərbaycanın baş prokurorunun birinci müavini Rüstəm Usubov və daxili işlər nazirinin müavini Oruc Zalovun başçılıq etdiyi nümayəndə heyəti hadisə ilə bağlı axtarış-əməliyyat tədbirləri aparılmasına və cinayət işinin istintaqına nəzarət etmək üçün rayona gediblər. Samur-Abşeron kanalının keçdiyi ərazilərdə, yaxınlıqda yerləşən yeraltı tuneldəki axtarışlar nəticəsiz yekunlaşıb.
Qeyd edək ki, Nailə və Reyhanə Məcidovaların qətli ilə bağlı Cinayət Məcəlləsinin 120-ci (qəsdlə adam öldürmə) maddəsi ilə cinayət işi başlanıb. Məcidovaların qətli ilə bağlı başlanmış cinayət işi hazırda Ağır Cinayətlərə Dair İşlər üzrə İstintaq İdarəsində müstəntiqi Zakir Saatovun icraatındadır. Hadisə ilə bağlı şübhəli şəxs qismində Dəvəçinin Qələgah kəndinin sakini Təvəkkül İsmayılov saxlanılıb. O, ilikin ifadəsində qızları qətlə yetirdiyini etiraf edib.
Xatırladaq ki, qətlə yetirilən bacılardan biri 14 yaşlı Nailə Məcidovanın meyiti avqustun 9-da Samur-Abşeron kanalının Siyəzən istiqamətindən tapılıb. /APA/