Hadisə

Ana səhifə

Hadisə

4 yol qəzasında 4 nəfər həlak olub

30 avqust 2007 10:15 (UTC +04:00)

Binəqədi qəsəbəsində ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, avqustun 30-da saat 00:40 radələrində Binəqədi qəsəbəsində İmişli rayon sakini Faiq Vəliyev idarə etdiyi “VAZ-2106” markalı avtomaşınla Sabirabad rayon sakini Mirseyid Qasımovu vurub. Nəticədə M. Qasımov hadisə yerində keçinib. Faktla bağlı Binəqədi RPİ tərəfindən araşdırma aparılır.
Həmin gün saat 06:30 radələrində Qaradağ rayonu ərazisində Sabirabad rayon sakini Elman Xəlilovun idarə etdiyi “VAZ-2106” və İran İslam Respublikasının vətəndaşı Əsəd Ocaqiyyə Nəhmət oğlunun idarə etdiyi “VOLVO” markalı avtomaşınlar toqquşub. Nəticədə xəsarətlə xəstəxanaya yerləşdirilmiş E. Xəlilov orada vəfat edib. Faktla bağlı Qaradağ RPİ tərəfindən araşdırma aparılır.
Saat 19:45 radələrində Masallı rayonunun Xıl kəndində Lənkəran şəhər sakini Alim Ağayevin idarə etdiyi “KamAZ” və Masallı rayon sakini İlkin Mirzəyevin idarə etdiyi “VAZ-21011” markalı avtomaşınlar toqquşub. Nəticədə İ. Mirzəyev hadisə yerində dünyasını dəyişib. Faktla bağlı Masallı RPŞ tərəfindən araşdırma aparılır.
Saat 21:50 radələrində isə Quba rayonunun Vladimirovka kəndində, Quba rayon sakini Azər Qafarov idarə etdiyi “Mercedes” markalı avtomaşınla Əlibəy Qışlaq kənd sakini Artur Dostiyevi vurub. Nəticədə A. Dostiyev hadisə yerində ölüb. Faktla bağlı Quba RPŞ tərəfindən araşdırma aparılır. /APA/