Hadisə

Ana səhifə

Hadisə

Adil Əliyev: “Bəlkə xəbərim olmadan məni “Neftçi” klubunda tutduğum vəzifədən azad ediblər?”

01 sentyabr 2007 10:13 (UTC +04:00)

“Vlastimil Petrjela ilə danışıqlarda mən iştirak etməmişəm. Eşitdiyimə görə, Petrjelanın “Neftçi”yə baş məşqçi təyin olunması ilə bağlı danışıqları şəxsən klub prezidenti Rövnəq Abdullayev aparıb. Başqa heç bir şəxsin müdaxiləsi olmayıb”. Bu sözləri “APA-Sport” agentliyinə açıqlamasında “Neftçi” klubunun vitse-prezidenti, millət vəkili Adil Əliyev deyib. A.Əliyevin sözlərinə görə, çexiyalı Vlastimil Petjelanın “Neftçi”yə baş məşqçi təyin olunduğu ərəfədə Azərbaycanda olmadığından, bu məsələdən xəbəri olmayıb. Yeni təyinatı müsbət dəyərləndirən klub rəsmisi əvvəlki baş məşqçi Qurban Qurbanovla müqayisədə V.Petrjelanın dünya səviyyəli mütəxəssis olduğunu vurğulayıb: “Yaxşı ki, Qurbanovu yerli mütəxəssis əvəz etməyib”. Millət vəkili Q.Qurbanovun idman direktoru vəzifəsinə keçirilməsindən sonra komandada digər rəsmilərin tutduqları vəzifəyə yenidən baxılmasına da münasibət bildirib: “Bəlkə xəbərim olmadan məni tutduğum vəzifədən azad ediblər? Bu haqda heç nə bilmirəm. Amma mən yəqin ki, klubda vitse-prezident kimi fəaliyyət göstərirəm”. /APA-Sport/