Hadisə

Ana səhifə

Hadisə

4 yol qəzasında 4 nəfər həlak olub

14 sentyabr 2007 11:07 (UTC +04:00)

Xətai rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, Zığ yolunda Zəngilan rayon sakini Mürsəl Hüseynov idarə etdiyi “VAZ-21011” markalı avtomaşınla H. Aslanov qəsəbəsinin sakini Səbinə İsmayılovanı vurub. Nəticədə xəsarətlə xəstəxanaya yerləşdirilmiş S. İsmayılova orada ölüb. Faktla bağlı Xətai RPİ-də araşdırma aparılır.
Dəvəçi rayonunun Sincanboyad kəndində Xaçmaz şəhər sakini Ramiz İmanverdiyevin idarə etdiyi “QAZel” və Sumqayıt şəhər sakini Sadiq Əzizovun idarə etdiyi “KamAZ” markalı avtomaşınlar toqquşub. Nəticədə xəsarət almış hər iki sürücü və R.İmanverdiyevin sərnişini, Xaçmaz şəhər sakini Tərlan Ələkbərov xəstəxanaya yerləşdirilib. R. İmanverdiyev orada keçinib. Faktla bağlı Dəvəçi RPŞ-də araşdırma aparılır.
Abşeron rayonunun Novxanı qəsəbəsində Sumqayıt şəhər sakini Adil Alışov idarə edərkən “Mercedes” markalı avtomaşınla qəsəbə sakini Qafar Zülfüqarovu vurub. Nəticədə xəsarətlə xəstəxanaya yerləşdirilmiş Q. Zülfüqarov orada vəfat edib. faktla bağlı Abşeron RPŞ-də araşdırma aparılır.
Xırdalan şəhərində Bakı şəhər sakini İqrar Bahadurov “BMV” markalı avtomaşını idarə edərkən Xırdalan sakini Aqilə Məmmədovanı vurub. Nəticədə xəsarətlə xəstəxanaya yerləşdirilmiş A. Məmmədova orada dünyasını dəyişib. Faktla bağlı Abşeron RPŞ-də araşdırma aparılır. /APA/