Hadisə

Ana səhifə

Hadisə

Tovuz rayonunda baş verən yol qəzasında 3 nəfər ölüb

12 dekabr 2007 13:02 (UTC +04:00)

Dünən axşam saat 19:30 radələrində Bakı-Qazax yolunun Tovuz rayonunun Düz Qırıqlı kənd ərazisindən keçən hissəsində ağır yol nəqliyyat hadisəsi baş verib. Tovuz rayon sakini, 1971-ci il təvəllüdlü Şəmistan İsmayılovun idarə etdiyi “Qazel” markalı avtomobil Gəncə şəhəri istiqamətində hərəkət edən “Mersedes” markalı avtomobillə toqquşub. Qəza nəticəsində “Mersedes” markalı avtomobilin sürücüsü və sərnişinlər - Hicran Aydın qızı Novruzova və Ədalət Aydın oğlu Novruzov hadisə yerində keçinib. Maşında olan digər 2 sərnişin - Pərvanə Abbasova və Cahandar Abbasov ağır kəllə-beyin travması ilə
Tovuz rayonu Düz Qırıqlı kənd xəstəxanasına yerləşdirib. Yaralılardan Pərvanə Abbasovanın vəziyyətinin orta-ağır olduğu bildirilir. Tovuz rayon Polis İdarəsindən APA-nın Qərb bürosuna verilən məlumata görə, qəzanın “Qazel” markalı avtomobilin “Mersedes”in yoluna çıxması səbəbilə baş verdiyi ehtimal edilir. Hadisə ilə əlaqədar Tovuz rayon Polis İdarəsində Cinayət Məcəlləsinin 263.3 maddəsi ilə cinayət işi açılıb, araşdırma aparılır. /APA/