Cinayətkar birlik yaratmaqda təqsirləndirilən Bilal İsmayılov və Əfqan Aslanovun cinayət işi üzrə keçiriləcək məhkəmənin vaxtı məlum olub.
APA-nın məlumatına görə, Bakı Ağır Cinayətlər Məhkəməsində hakim Samir Əliyevin icraatına olan məhkəmə prosesi noyabrın 13-ə təyin edilib.
Qeyd edək ki, Bakı şəhər sakinləri - Bilal İsmayılov və Əfqan Aslanov ölkə hüdudlarından kənarda cinayətkar birliklərdə iştirak və kiçik qruplara rəhbərlik ediblər. Onlar Cinayət Məcəlləsinin 218.2-ci (Cinayətkar birlik (təşkilat) yaratma, Cinayətkar birlikdə (təşkilatda), habelə mütəşəkkil dəstələrin təşkilatçılarının, rəhbərlərinin və ya sair nümayəndələrinin birliyində iştirak etmə) maddəsi ilə ittiham olunurlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
