Tanınmış oftalmoloq Cahid Şahbazovun etdiyi göz əməliyyatından sonra görmə qabiliyyətində problem yaranan Humay Əliyevanın şikayəti əsasında başlanılmış cinayət işinə xitam verilib.
APA-nın əldə etdiyi məlumata görə, buna səbəb fakt üzrə cinayət tərkibinin olmaması göstərilib.
Eyni zamanda, tərəflər arasında barışıq əldə edilib və həkim qarşı tərəfə kompensasiya ödəyib.
Qeyd edək ki, iyul ayında Humay Əliyevanın “Caspian İnternational Hospital”da oftalmoloq Cahid Şahbazov tərəfindən səhv diaqnoz qoyularaq göz əməliyyatı olunduqdan sonra görmə qabiliyyətini itirməsi ilə bağlı iddialar yayılıb.
Faktla bağlı Səbail rayon Prokurorluğunda Cinayət Məcəlləsinin 314.1-ci (Səhlənkarlıq - vəzifəli şəxsin işə vicdansız və ya laqeyd münasibəti nəticəsində öz xidməti vəzifəsini yerinə yetirməməsi və ya lazımi qaydada yerinə yetirməməsi fiziki və ya hüquqi şəxslərin hüquqlarına və qanuni mənafelərinə və ya dövlətin və ya cəmiyyətin qanunla qorunan mənafelərinə mühüm zərər vurulmasına səbəb olduqda) maddəsi ilə cinayət işi açılıb.
Bu barədə açıqlama verən Cahid Şahbazovun vəkili Asim Abbasov müvəkkilinin cinayət məsuliyyətinə cəlb olunmadığını, yalnız fakt üzrə cinayət işi açıldığını bildirmişdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
