Bakı. Real Cəfərli – APA. İranın Mazandaran vilayətində ağır yol-nəqliyyat hadisəsi baş verib.
APA-nın İSNA-ya istinadən verdiyi məlumata görə, qəza yerli vaxtla səhər saat 04:15-də Larican şəhərinin Polur məntəqəsində olub.
Qorqan-Tehran marşrutu ilə hərəkət edən “Volvo” markalı sərnişin avtobusu dərinliyi 40 metr olan dərəyə aşıb. Qəza nəticəsində 15 nəfər yerindəcə ölüb, 19 nəfər yaralanıb.
Hazırda hadisənin başvermə səbəbləri araşdırılır.