Bakı. Hafiz Heydərov – APA. Sumqayıtda yaşayış binasında yanğın olub.
APA-nın Fövqəladə Hallar nazirliyinin saytına istinadən verdiyi məlumata görə, Sumqayıt şəhərində vətəndaşa məxsus ümumi sahəsi 47 kv.m olan 3 otaqlı mənzilin 1 otağında 3 kv.m sahədə məişət əşyaları yanıb. Yanğın zamanı yanğınsöndürənlər tərəfindən 15 nəfər bina sakini təhlükəsiz yerə təxliyə olunub. Mənzilin qalan hissəsi yanğından mühafizə olunub. Yanğın saat 09:54-də yanğınsöndürənlər tərəfindən söndürülüb.