Gəncə. Azər Məmmədli – APA. Gəncədə piyadanın vurulması ilə nəticələnən yol nəqliyyat qəzası baş verib. APA-nın qərb bürosunun verdiyi məlumata görə, Gəncə şəhər sakini, 1985-ci il təvəllüdlü Vüsal Əliyev bədənin müxtəlif hissələrinin əzilməsi xəsarətləri ilə Gəncə şəhər Təcili Tibbi Yardım xəstəxanasına müraciət edib. Tibbi yardım göstərilən yaralının vəziyyətinin normal olduğu bildirilir.
V. Əliyevin bildirdiyinə görə, o şəhərin Nizami küçəsində yolu keçmək istəyərkən “VAZ 2107” markalı avtomobil tərəfindən vurulub. Sürücü isə hadisə yerindən qaçıb.
Faktla bağlı Gəncə şəhər Nizami rayon Polis İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
