Bakı. Aqşin Rafiqoğlu - APA-Economics. Bu ilin aprel ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 337 542 ton Azərbaycan nefti nəql olunub.
“APA-Economics”in Azərbaycan Dövlət Neft Şirkətinə (SOCAR) istinadən verdiyi məlumata görə, bu, ötən ilin aprel ayı ilə müqayisədə 5,36% azdır.
Bu ilin yanvar-aprel aylarında bu kəmərlə 9 559 744 ton neft ötürülüb. Bu da 2014-cü ilin dörd ayı müqayisədə 0,9% çoxdur.
Ümumiyyətlə, kəmər istifadəyə verilən gündən bu il may ayının 1-ə qədər BTC-yə 273 399 590 ton neft vurulub. Bundan başqa, bu ilin aprel ayında BTC kəməri ilə 233 718 ton Qazaxıstan və 350 min ton Türkmənistan nefti nəql olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
