Maliyyə

Ana səhifə

Maliyyə

Azərbaycanın altı bankında müştərilərin sayı azalıb - TƏHLİL

Azərbaycanın altı bankında müştərilərin sayı azalıb - <span style="color: red;">TƏHLİL

02 oktyabr 2014 12:16 (UTC +04:00)

Bakı. Musa Əhmədov - APA-Economics. Bu ilin I yarısında Azərbaycanın 17 bankında müştəriləri sayı artıb, 6 bankda isə azalıb.

“APA-Economics”in 2014-cü ilin II rübündə müştərilərinin sayının illik dinamikasına görə hazırladığı renkinqinin təhlili belə deməyə əsas verir.

Ölkədəki 44 bankdan 23-ü 2013 və 2014-cü illərin iyul ayının 1-nə müştərilərinin sayı ilə bağlı məlumatları açıqlasa da, 18 bank bu göstəricini təqdim etməyib. 3 bank isə yalnız 2014-cü ilin yanvar-iyun ayları ilə bağlı məlumatları açıqlayıb.

Təqdim olunmuş məlumatları təhlil edəndə məlum olur ki, 2013-cü ilin II rübü ilə müqayisədə bu ilin II rübündə faiz nisbətində ən çox müştəri azalması “DekaBank”da qeydə alınıb. Belə ki, hesabat dövründə bu bankın müştərilərin sayı 87% azalıb. Başqa sözlə, 2013-cü ilin 6 ayında 1 498 müştərisi olan “DekaBank”da bu ilin eyni dövründə bu göstərici 193 olub.

Müştərilərinin sayının azalmasına görə ikinci yerdə “NİKOİL Bank” qərarlaşıb. Hesabat dövründə bu bankda müştərilərin sayı 70,67% azalıb. Başqa sözlə, 2013-cü ilin II rübü ilə müqayisədə 2014-cü ilin müvafiq dövründə adıçəkilən bank 116 303 müştərisini itirib.

Hesabat dövründə 6 513 müştəri itirən “Azər-Türk Bank” siyahıda üçüncü yerdə qərarlaşıb. (Bax Cədvəl-1)

Cədvəl-1

Banklar		Müştərilərin sayı	Dinamika 2013-cü ilin II rübünə nisbətən (%)
1	Kapital Bank	2 225 464	-0,17
2	Amrahbank	56 398	-1,59
3	Kredobank	31 340	-2,56
4	Azər-Türk Bank	24 767	-20,82
5	Bank Nikoil	48 261	-70,67
6	DekaBank	193	-87,12

17 bank arasında faizlə götürsək, ən çox müştəri artımı “Dəmirbank”da müşahidə olunub. 2013-cü ilin II rübünə nisbətən bu ilin eyni dövründə adıçəkilən bankın müştərilərinin sayı 267%, yəni 88 844 nəfər artıb. İndi “Dəmirbank”ın 122 067 müştərisi var. Bu müddət ərzində “Bank VTB Azərbaycan”ın müştərilərinin sayında təxminən 100%-lik artım olub. Əgər 2013-cü ilin II rübündə bu bankın 8026 müştərisi var idisə, bir il ərzində bu göstərici 16 030-a yüksəlib. Müştərilərinin sayında artıma görə III yerdə 95%-lə “Bank BTB” möhkəmlənib. Ən az artım isə “Atrabank”da müşahidə edilib. Bu bankın 1 il ərzində müştərilərinin sayı cəmi 1 nəfər artıb. (Bax Cədvəl-2)

Cədvəl-2

Banklar		Müştərilərin sayı	Dinamika 2013-cü ilin II rübünə nisbətən (%)
1	Dəmirbank	122,067	267,41
2	Bank VTB (Azərbaycan)	16,030	99,73
3	Bank BTB	42,052	95,16
4	RabitəBank	97,090	79,72
5	Exspressbank	87,800	71,17
6	Qafqaz İnkişaf Bankı	7,896	59,55
7	YapıKredi Bank Azərbaycan	160,694	53,47
8	MuğanBank	116,526	52,45
9	AFB Bank	34,312	26,44
10	Gəncəbank	5,311	22,40
11	Bank Technique	125,967	21,96
12	AGBank	102,720	20,57
13	Zaminbank	164,235	19,21
14	Bank Standard	225,090	17,75
15	TuranBank	48,724	12,20
16	Günay Bank	1,603	7,58
17	Atrabank	6,708	0,01

“Azərbaycan Beynəlxalq Bankı”, “Xalq Bank” və “Parabank” 2013-cü ilin II rübü ilə bağlı göstəriciləri təqdim etmədiyindən bu banklar üzrə müştərilərin sayına görə illik dinamikanı müəyyənləşdirmək mümkün deyil.

Aşağıdakı banklar isə müştərilərinin sayını açıqlamaqda maraqlı deyil. (Bax:Cədvəl-3)

Cədvəl-3

Banklar		Müştərilərin sayı	Dinamika 2013-cü ilin II rübünə nisbətən (%)
1	Unibank	-	-
2	AccessBank	-	-
3	AtaBank	-	-
4	Bank Respublika	-	-
5	Bank of Baku	-	-
6	Yunayted Kredit Bank	-	-
7	NBC Bank	-	-
8	Bank Avrasiya	-	-
9	PAŞA Bank	-	-
10	Bank Silk Vey	-	-
11	Azərbaycan Kredit Bankı	-	-
12	Bank Melli İran	-	-
13	Pakistan Milli Bankı Bakı Filialı	-	-
14	Bank of Azerbaijan	-	-
15	Azərbaycan Sənaye Bankı	-	-
16	Evrobank	-	-
17	Naxçıvanbank	-	-

* Bu banklar göstəricilərini təqdim etməyib

Qeyd edək ki, lisenziyası bərpa olunan “Kövsər Bank” hələlik fəaliyyət göstərmədiyindən kredit portfelinin dinamikasına görə renkinqində bu bankın göstəriciləri yer almayıb.