Bakı. Etibar Məmmədov-APA. Sabah Klassik Xalq Cəbhəsi Partiyasının (KXCP) prezident seçkilərinə qatılacaq namizədi müəyyənləşəcək. Bu barədə APA-ya açıqlamasında KXCP Ali Məclisinin sədri Bəybala Əbil deyib.
Məclis sədri bildirib ki, yanvarın 26-da KXCP Ali Məclisinin toplantısı keçiriləcək. Toplantıda bir sıra məsələlərin müzakirə olunacağını deyən B. Əbilin sözlərinə görə, həmçinin partiyanın prezident seçkilərində iştirakı ilə bağlı qərar da qəbul olunacaq: “Sabah partiyanın prezidentliyə namizədi açıqlanacaq. Partiyanın sədri artıq seçkilərdə iştirakla bağlı niyyətini açıqlayıb. Buna görə də güman edirik ki, partiyanın prezidentliyə namizədi sədr Mirmahmud Mirəlioğlu olacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
