APA-nın məlumatına görə, bu, ölkə prezidenti İlham Əliyevin dünən imzaladığı “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı”nda nəzərdə tutulub.
Proqrama əsasən, Azərbaycan dilinin tədrisinin genişləndirilməsi üçün 2015-ci ilə qədər xaricdəki diplomatik nümayəndəliklərdə əcnəbi vətəndaşlar, diaspor nümayəndələri və digər maraq göstərən şəxslər üçün təsərrüfat hesablı Azərbaycan dili kurslarının yaradılmasına dair təkliflər hazırlanacaq. Bu işin həyata keçirilməsi Xarici İşlər, Təhsil, Mədəniyyət və Turizm nazirlikləri, AMEA və Diasporla İş üzrə Dövlət Komitəsinə həvalə olunub.