Hadisə

Ana səhifə

Hadisə

Ombudsman Elmira Süleymanova Oqtay Gülalıyevlə bağlı baş prokurora müraciət edib

01 may 2012 15:16 (UTC +04:00)

Bakı-APA. Azərbaycan Respublikasının İnsan Hüquqları üzrə Müvəkkili Elmira Süleymanovanın tapşırığına əsasən, Ombudsman Aparatının əməkdaşları Ədliyyə Nazirliyi Penitensiar Xidmətinin Şüvəlanda yerləşən 3 saylı İstintaq Təcridxanasında saxlanılan Oqtay Gülalıyevlə görüşüblər. Ombudsman Aparatının mətbuat xidmətindən APA-ya verilən məlumata görə, O. Gülalıyev buradakı saxlanma şəraitindən və müəssisə əməkdaşlarının ona qarşı rəftarından narazılıq etməyib, müəssisə rəisi tərəfindən lazımi şəraitin yaradıldığını bildirib. O, eyni zamanda səhhəti ilə bağlı narahatlığını söyləyib və qeyri-obyektiv aparılması səbəbindən barəsində istintaqın Sabirabad Rayon Polis Şöbəsindən alınaraq, başqa rayon polis şöbəsinə və ya Daxili İşlər Nazirliyinə verilməsini xahiş edib.
İstintaq təcridxanasının həkimi ilə söhbət zamanı o, O. Gülalıyevin səhhətində ciddi problem olmadığını bildirib. Müəssisə rəisinə və həkimə lazımi tapşırıqlar verilib. Ombudsman bu məsələ ilə bağlı baş prokurora müraciət edib.

Oqtay Gülalıyev