Bakı. Cavid Zeynalov – APA. Mayın 15-də Azərbaycan Dövlət Kamera və Orqan Musiqi Zalında Dövlət Musiqili Teatrının solisti, əməkdar artist Nərgiz Kərimovanın solo konserti olacaq.
Teatrın mətbuat xidmətindən APA-ya verilən məlumata görə, Azərbaycan Dövlət Fortepiano triosu – əməkdar artistlər Nərgiz Əliyarova (piano) və Tövhə Babayevanın (violin) müşayiəti ilə keçiriləcək konsert proqramında Azərbaycan, rus və qərbi Avropa bəstəkarlarının əsərləri səslənəcək.
Qeyd edək ki, Nərgiz Kərimova 1994-cü ildən Azərbaycan Dövlət Teleradio şirkətinin solistidir. Moskva, Sankt Peterburq, London və Bakının bir çox nüfuzlu konsert salonlarında, dövlət tədbirlərində çıxış edib. O, 2002-ci ildən Azərbaycan Dövlət Musiqili Teatrının aktyorudur. 2003-cü ildə teatr sənəti sahəsində qazandığı uğura görə «İlin ən yaxşı gənc aktrisası» nominasiyası üzrə fəxri fərmanla təltif edilib. Vokalçı həmçinin 2012-ci ildə Qazaxıstanın Karaqanda şəhərində keçirilən “Docstar” I Beynəlxalq açıq müsabiqəsində birinci yeri tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
