Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində oğurluqda təqsirləndirilən Zöhrab Şirinov, Aleksandr Feradze və Həbib Ovçuyevə hökm oxunub.
APA-nın məlumatına görə, məhkəmənin hökmü ilə Zöhrab Şirinov 11 il 6 ay, Aleksandr Feradze 10 il 6 ay, Həbib Ovçuyev isə 6 il 6 ay müddətinə azadlıqdan məhrum edilib.
Qeyd edək ki, təqsirləndirilən şəxslər ötən il sentyabrın 24-də tutulublar. Araşdırmalar zamanı onların mənzillərdən oğurluq etdikləri məlum olub.
Onu da qeyd edək ki, Gürcüstan vətəndaşı 52 yaşlı A. Feradze ömrünün 30 ilini həbsxanada keçirib.