Bakı. Hafiz Heydərov -APA. Ermənilərin atəşkəsi pozması nəticəsində yaralnmış Tovuz rayon sakini, 1997-ci il təvəllüdlü Fərid Məmmədov əməliyyat olunmaq üçün Bakıya gətirilir.
Bu barədə APA-ya millət vəkili Qənirə Paşayeva məlumat verib.
Q. Paşayeva deyib ki, səhiyyə naziri Oqtay Şirəliyevin təlimatı ilə F. Məmmədov xüsusi ambulans helikopterlə Bakıya gətirilir: “Artıq 1 saylı Şəhər Klinik Xəstəxanasında həkim heyəti onu əməliyyat etmək üçün hazırdır”.
Qeyd edək ki, bu gün Azərbaycan-Ermənistan qoşunlarının təmas xəttində vəziyyət yenidən gərginləşib. Axşam saatlarından başlayaraq Tovuz rayonunun Əlibəyli kəndi Ermənistan silahlı birləşmələri tərəfindən intensiv atəşə tutulub. Nəticədə
kənd sakinləri 1997-ci il təvəllüdlü Fərid Nəbi oğlu Məmmədov və 1962-ci il təvəllüdlü Anya Qara qızı Ələkbərova yaralanıblar. Onlar Tovuz Mərkəzi rayon Xəstəxanasına yerləşdiriliblər.
Fərid Məmmədov çənəsindən dəyən güllə yarası onun üz nayihəsini dağıdıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
